Lampu Likur

Lampu likur

bahari awak ku bakulit basi

parut ku panuh minyak gas

muntungku basumbu tali guni

aku manyaraki halaman rumahaku

manyaraki rumah

bahari kada da letrikaku

karap di usung ka sana ka mari

amun di anjung urang bakumpulan

anjunglah aku bajasa

amun bibinian bamasak

aku bajasa di dapur

kakanakan ngajian aku suluhi

kawan ku amun ada ,

si lampu gasolin

paling basajarah

aku bajasa di bulan ramadhan

banyak kakawanan

kami panyari pintu garabang

kami panyari halaman

rumahriuh randah kakanakan main bunga api

riuh bakapungan di higa kami

wayahini...kami makin dipinggir...lampu letrik bamacam ulahan

ada babantuk bunga..katupat. ..bintang ..bulan

magunkah urang mangganang jasa kami

atawa kainak tinggal nama
( Makasih kulaan nang manulis sajak ini)